Assalaamu’alaikum Wr. Wb.
Nuwun bapak kadus ingkang satuhu kinabekten, bapak ketua RW 03 ingkang
satuhu kinurmatan, Bapak ketua RT 02 ingkang satuhu luhuring budi, bapak / ibu
ingkang rawuh ingkang bagya mula, kanca-kanca pengurus saha anggota paguyuban ingkang
kula tresnani.
Sumangga kita sedaya tan kedhat
tansah ngaturaken puja puji syukur dhumateng Gusti Alloh ingkang sampun paringi pinten-pinten
kanikmatan dhumateng kita utaminipun nikmat keserasan saengga ing dalu menika
saged makempal pinanggih ing panggenan ngriki kanti boten wonten alangan
satunggal menapa.
Para rawuh ingkang kanurmatan,
Keparenga kula matur sawetawis
dhumateng panjenengan gegayutan kaliyan rancangan kula sakanca saking paguyuban
para remaja ing pandhukuhan ngriki saha asiling pirembagan wonten ing pepanggihan dalu menika.
Kados ingkang sampun kaaturaken
dening ketua Paguyuban ngengingi
rancangan pakaryan ingkang badhe katindaken lan ugi pangandikan saking bapak
kadus. Pramila ing ngriki boten perlu kula aturaneken malih. Ingakang badhe
kula aturaken bab wosing pirembagan lan pakaryan salajengipun ingkang kaedah
dipungandangi dening para kanca pangurus paguyuban.
Wosing pirembagan kala wau sampun
dipunsarujuki bilh rancangan kula sakanca dipunsengkuyung dening bapak kadus minangka
pemerintah dhusun lan sedaya para warga ingkang rawuh ing dalu menika. Dene
wragad dipunbiyantu saking CV. Putra Bantala wolung yuta, saking pemerintah
dhusun setunggal yuta lan swadaya masyrakat setunggal yuta.
Dhumateng para pangurus paguyuban, wiwit
wekdal menika kedah sampun sami siyaga nindakaken pakaryan. Pramila kula sampun
sarembag kaliyan ketua bilih ngenjing malem ahad sedaya pangurus lan anggota
paguyuban supados kempal kanggw ngawontenaken pirembagan mbagi tugas, dene
panggenanipun wonten ing griya kula kawiwitan bakdasholat isa antwis setengah
wolu dalu.
Namung menika atur saking kula,
bilih wonten kiranging tata krami anggen kula matur keparengga nyuwun agungng
pangaksami.
Matur suwun. Wassalamu’alikum wr.
Wb.
Nama : Bayu aji satria
Kelas : IXD
No :
6
Music MP3
Posting Komentar